كيف بضيف موظف جديد

إذا عندك موظف جديد أو كم موظف، أسرع طريقة هي معالج «ضيف موظف». وإذا عندك الشركة كلها بملف إكسل، شوف كيف بستورد موظفين من إكسل.

قبل ما تبلّش

لازم يكون الهيكل جاهز: فرع وقسم ومنصب عالأقل، من «إعدادات الشركة ← الهيكل ← الهيكل». التعيين بيختار منهن.
خانة الدين إلزامية بالملف لأنها بتأثر على إجازة الحج والعطل الدينية، وما بتبين إلا للموارد البشرية. لهيك إضافة موظف بدها صلاحية «الدين» بدورك.

من «شغلي» افتح «الموظفين» واكبس «ضيف موظف».
المعلومات الشخصية: الاسم والهوية والتواصل: الرقم الوطني، ورقم الهوية، والميلاد، والجنسية، والعنوان، والحالة الاجتماعية، والدين. الحقول يلي عليها نجمة إلزامية، ويلي ما بتعرفو هلّق بتكمّلو بعدين.
التعيين: الفرع والقسم والمنصب والمدير و«تاريخ التعيين». التعيين الأول بيبلّش من تاريخ التعيين.
الراتب: الأساسي والبدلات («عناصر الراتب»، عنصر بكل سطر بمبلغو الشهري)، والتأمينات والأجر المسجّل. هالخطوة بتطلع بس لمين عندو صلاحية الرواتب؛ إذا ما عندك، زميلك بيكمّلها من ملف الموظف.
الوثائق: صورة الهوية، والشهادة العلمية، والسيرة الذاتية وغيرها، مع تاريخ الإصدار والانتهاء. ديوان بينبّهك قبل ما تنتهي الوثيقة.
راجع واحفظ: تأكد من المعلومات واكبس «احفظ الموظف».

ما بيضيع شي. اكبس «كمّل الحفظ» ليكمّل من محل ما وقف، أو «افتح ملف الموظف» وكمّل منو.

ليقدر الموظف يبصم ويقدّم طلباتو، لازم يكون إلو حساب دخول:

لموظف واحد: من ملف الموظف ← «اعمل حساب دخول». بيوصلو إيميل «حسابك جاهز».
لكل الجداد: «إعدادات الشركة ← الموظفين»، وشغّل «اعمل حساب دخول لكل موظف جديد».

الشرح حسب ديوان بتاريخ ١٠ تشرين الأول ٢٠٢٦. البرنامج بيتطوّر، فإذا اسم بالشاشة صار غير يلي هون، الشاشة هي الصح.